KAKAIBA SI CANELO, NAGHAHAMON SA 175

SA nakaraang ilang buwan, nabanggit ni Canelo Alvarez ang ideya na umakyat ng timbang sa light heavyweight limit at kumasa para sa isang single fight at hamunin ang isa pang world champion na nasa 175 ang timbang.Nabanggit ni Canelo si WBO world champion Sergey Kovalev. Noong Disyembre, umakyat si Canelo sa super middleweight limit na 168 at pinabagsak si Rocky Fielding upang makuha ang WBA “regular” title.

Pero noong Sabado, bumaba siya sa middleweight limit at nagwagi sa 12-round decision kontra kay Daniel Jacobs upang pag-isahin ang WBC, WBA, IBF world titles.

Nais niyang harapin kung sinuman ang may hawak ngayon ng WBO sa susunod na bakbakan – maaring trilogy kay Gennady Golovkin o isa pang title fight sa timbang na 168.

Puwedeng sa pagtatapos ng taon o kaya sa 2020 nais niyang makasungkit ng belt na 175. “Canelo is very ambitious,” ayon kay Golden Boy Promotions CEO Oscar De La Hoya sa Sports Illustrated.“He wants to move up to 175 [pounds] at some point. He wants to challenge a champion at 175. I can see why he is ambitious like that. A lot of times we have to talk some sense into him and strategically get him the right fights.”

Noong 2018, lumagda si Canelo ng 11-fight, $365 million deal sa streaming service ng DAZN. Edad 28 pa lamang si Canelo at hinog na ang career at marami nang astig na nakasagupa.“If he was getting beat up, then I would worry about it,” saad ni De La Hoya. “But he’s not. Even in the gym, he knows how to move his head, he knows how to use his defense. I’m not worried. But when you are in these types of fights, you never know. One fight can make you feel old overnight.”