BACOOR STRIKE AT MANILA MALULUPIT SA M-LEAGUE

NANATILING walang bahid dungis ang Bacoor Striker sa serbisyo habang ang Manila-INGCO ay na­kapagtarak ng makasaysa­yang panalo sa mainit na laro sa Metro League Rein­forced (Second) Conference noong Sabado ng gabi sa Hagonoy Sports Complex sa Taguig.

Nagwagi ang Striker sa 80-77 laban sa home team Taguig Generals upang pa­lawigin ang unbeaten streak sa anim na laro na may im­port na M-League con­fe­rence na suportado ng MMDA, PBA at Barangay 143.

Nakagawa si dating FEU reinforcement Prince Orizu ng double-double 18 puntos at 9 rebounds upang pangunahan ang road team Bacoor na muntik pang ma­talo sa papakulapsong mi­nuto.

Matapos ang tatlong sunod na quarters, nagawa ng Bacoor na lumamang sa 77-69 sa nalalabing 1:22 minuto hanggang sa layup ni Mark Montuano bago na­karesbak ang Generals ng 75-77 sa huling 43 segundo.

Suwerteng naka-rescue si Orizu sa league-leading Strikers, sa bisa ng dunk up ang selyuhan ang deal sa Bacoor na nanatiling un­de­feated team sa M-Lea­gue.

Naka-backup din kay Nigerian Orizu si Montuano na may 14 puntos habang si Mark Doligon at Paolo Cas­tro ay may tig-11 puntos. Nakadale si Import Emma­nuel Ojuola ng 25 points at 9 rebounds pero nasayang sa Taguig na sumadsad sa 2-3 sa South Division ng M-League.

Samantala, ang ma­agang pagbanat ng Manila Stars ay hindi naging sagabal sa ka­nila upang manatiling highest scoring record ng season sa M-League nang magwagi sa 147-142 kontra Pasigue­ños.

Nakabasket si dating PBA player Carlo Lasti­mosa ng 31 puntos at 5 re­bounds sa loob ng 20 minuto na laro upang pamunuan ang Stars na may pinasabog na 46 puntos sa unang quarter para mamuno sa 77-64 matapos ang dalawang quarters na may pinakama­taas na scoring sa halftime ng M-League history.(MC/VA)