TAGUMPAY NI TANKER MOJDEH SA PALARO, ITATAYA MULI SA ABROAD

MATAPOS ang mata­gumpay na kampanya sa Batang Pinoy Luzon Leg, muling itataya ni Filipino-Iranian Micaela Jasmine Mojdeh ang kanyang in­ternational credential na nakamit sa iba’t-ibang overseas swimming com­petitions, kontra sa mga bigating makakalaban sa Ca­nada Swimming Cham­pionship na gagawin ba­go matapos ang buwan sa Mississauga sa On­tario.

Dala ang limang gin­tong panalo bilang morale booster at birthday gift sa kanyang sariling14th year na kaarawan sa Hunyo 7, makikipagsabayan si Moj­deh sa mga kalaban at determinado ang 13 years old swimming won­der na bigyang muli ng karangalan ang ‘Pinas.

“Ang goal ko ay ma­nalo. Gagawin ko ang lahat upang bigyan ng karangalan ang bansa,” sabi ni Mojdeh kasama ang kanyang Pinay na ina na si Joan na dati ring swimmer.

Ang paglahok ni Moj­deh sa Canada ay bilang paghahanda sa Batang Pinoy national finals sa Hulyo sa Bacolod at South­east Asian Games na ga­gawin sa Nobyembre sa bagong gawang New Clark City Sports Complex.

Nanalo si Mojdeh sa 50m (butterfly), 100m (but­terfly), 200m (free­style), 100m (freestyle) at 50m (freestyle) sa Batang Pinoy Luzon Leg. Ito rin ang events na lalanguyin niya sa competition sa Ca­nada.

Hindi sumali si Moj­deh sa katatapos na Pa­la­rong Pambansa na gi­nawa sa Davao na muling di­nomina ng perennial over­all champion National Capital Region.

Nagsimula si Mojdeh na lumangoy sa edad 6. Lalahok si Mojdeh sa 30th Southeast Asian Games na gagawin sa Nobyem­bre 30-December 11 sa New Clark City Sports Complex.