INTERNATIONAL RACE, TARGET NG MAGKAPATID NA GABRIEL

DALAWA sa bata at si­kat na motocross riders na pawang magkapatid ang pakay na ipagpatuloy ang pagsungkit ng karangalan hindi lamang sa Luzon, Vi­sayas at Mindanao kundi maging sa international ra­cing scene.

Sina Pia Gabriel na tina­guriang Princess of Philip­pine motocross at nakababa­tang kapatid na si Ompong ay nagsabing ang kani­lang pangarap ay makalahok pa sa mas maraming interna­tio­nal races upang patuloy na makapagbigay ng kara­ngalan para sa bansa.

Ang dalawa na parehong tubong Nueva Ecija ay naka-podium sa Thailand moto­cross event.

Dahil diyan du­mami ang kanilang fans sa racing skills at hinangaan nang husto sa tuwing haha­rurot sila sa lo­cal motocross event.

“There are hundreds of motocross events watched by huge crowd all over the country,” ayon kay Gabriel, isang Wesleyan University student.

“It’s not as popular like basketball, boxing or vol­leyball due to lack of expo­sure but we’re getting there.”

Sa pagbisita nila Gabriel sa lingguhang Tabloids Or­ganization in Philippines’ Usapang Sports noong Hu­webes sa National Press Club.

Kasama nila ang kani-kanilang mga supporter at inang si Rosanna.

Tinatayang ang 16-an­yos na si Ompong ang si­yang hahalili sa trono na ki­nauupuan ngayon ng highly-talented na si Bornz­kie Man­gosong ng Team United Athletes Mindanao.

Si Pia naman ang leading lady rider ng bansa dahil sa pagharurot niya sa MMF Supercross at nakaka­laban niya ang male riders sa Ama­teur Open Production ng lahat ng edad at kasarian sa Round 3 ng Supercross sa MX Messiah Fairgrounds sa Taytay, Rizal.

Binanggit din ni Pia ang mga katulad nina Janelle Saulog, Jasmin Jao, Quiana Reyes at riders mula sa Min­danao ang pinakadikit ni­yang competitor.

Nangungu­na si Pia sa pangkalahatang karera sa ladies class ng MMF overall race sa ladies class ng MMF Supercross sa bisa ng 97 points, kasunod ni Jao na may 83 puntos at Reyes na may 82 puntos.

Sinabi ni Ompong na hu­mahanga siya kay Mango­song, Glenn Aguilar at wa­lang kupas na si Saulog.

“I have a lot to learn from them and they always give me the tips to improve,” ayon kay Gabriel. Puma­ngatlo si Gab­riel sa center­piece Shell Ad­vance Pro Open sa Round 4 ng serye. Hawak niya ang kabuuang 74 puntos.

Nana­tiling perpekto si Mango­song sa kanyang ika-4 na straight win sa 100 pun­tos, 14 points na nauuna sa pa­ngalawang si Ralph Ra­mento. (MC)