AKLAT Ni: Ronalyn Seminiano Reonico
Ang mga tao’y parang aklat.
Ang iba’y nagsasalaysay ng romansa.
Ang iba’y may mapanlinlang na baluti.
Nagsasabing sila’y bagong lathalain,
ngunit ang katotohana’y
lumang istorya ang taglay.
Ang aklat ay dapat buklatin at basahin
upang malaman ang kanyang halaga.
Kung ang iyong ekspektasyon at nais
sa aklat ay ‘di matagpuan at makita,
bitawan mo ito, itabi’t iwanan dahil
baka sa iba, ito’y maging dapat.
Ang tagabasa ang siyang nagtatangi.
Hindi ang aklat ang pumipili sa atin.
Tayo ang pumipili ng aklat na babasahin.
At matapos ang mahabang pagsasaliksik,
paghahanap at pagsisiyasat ng mga aklat sa silid,
ika’y pipili ng nag-iisang aklat na iyong iuuwi sa tahanan.
Magandang araw, mga bes! ‘Wag nang magpahuli sa trend at i-share na ang inyong #Hugot at i-confess mo na, bes ang matagal mo nang gustong aminin sa bagong column ng BULGAR na WHAT’S IN, KA-BULGAR? Ito na ang perfect timing para ma-publish ang laman ng inyong damdamin kaya mag-send na ng personal message sa aming official Facebook page – www.facebook.com/BULGAR.OFFICIAL. Hihintayin namin ang PM n’yo, mga bes, hindi ‘yung puro kayo na lang ang naghihintay sa wala. Char!
Comments