MAGBABALIK ANG 16 TEAMS, SA PREMIER CUP, ABANGERS

BABALIK para sa ka­nilang ika-13 taon ang FilOil Flying V Premier Cup, ang pangunahing sagupaan ng mga koponan sa kolehiyo bago magbukas ang kani­lang sariling mga liga nga­yong araw sa FilOil Flying V Centre sa San Juan City.

Tiyak na aabangan ng mga tagahanga ng 16 ka­saling paaralan kung gaano na kahanda ang kanilang mga paborito lalung-lalo na ang unang silip sa mga rookie.

Lahat ng mga koponan sa NCAA at UAAP ay lala­hok maliban sa University of the East, University of Perpetual Help System-Dalta at ang defending champion na Ateneo de Manila University.

Dahil wala na ang Blue Eagles, mahirap makapili ng mananalo dahil pantay-pan­tay na ang lakas ng lahat.

Dalawang mainit na la­ban sa Grupo A ang bu­bu­ngad sa torneo.

Magtutuos ang San Beda University, ang puma­ngalawa sa Ateneo noong 2018, at University of the Phi­lippines sa tampok na laro ng 4p.m. pagkatapos ng pambungad na laro ng De La Salle University at Uni­versity of Santo Tomas sa 2:00 p.m.

Ang iba pang koponan na nasa grupo ay ang San Sebastian College, Mapua University, Arellano Univer­sity at ang kampeon ng National Capital Region Athletic Association (NC­RAA) na Centro Escolar University na pumalit sa big­lang umatras na Perpe­tual Help.

Ang Grupo B ay kinabi­bilangan ng Adamson Uni­versity, Far Eastern Uni­versity, College of Saint Be­nilde, Lyceum of the Phi­lippines University, Natio­nal University, Colegio de San Juan de Letran, Jose Rizal University at Emilio Agui­naldo College.

Gaya ng dati, maglalaro ng single round ang bawat grupo at ang apat na pinaka­mataas ang kartada ay tu­tuloy sa knockout playoffs na nakatakdang umabot hanggang Hunyo 23.

Magkakaroon din ng All-Star Game na UAAP kontra NCAA sa Mayo 31 at babalik muli ang One-On-One Tournament na pi­nagwagian ni Prince Carlos ng CSB noong 2018.

Mas malaking Juniors Division ang alay ngayong taon tampok ang defending champion na Mapua Uni­versity sa kargadong Grupo A kasama ang Ateneo, San Beda-Rizal, De La Salle-Zobel, LPU-Cavite at Adam­son.

Namumuno sa Grupo B ang kasalukuyang UAAP at NBTC champion Nazareth School of National Univer­sity at ang FEU, JRU, La Salle Green Hills, Perpetual Help at UST.

Mga laro ngayong Linggo – FilOil Flying V Centre: 2:00 DLSU vs. UST: 4:00 San Beda vs. UP.