GF, swak na swak daw… JAMES, TODO-PUSH KAY NADINE NA MAG-DARNA
MUKHANG malaki talaga ang tsansa na maibigay kay Nadine Lustre ang Darna movie bilang kapalit ni Liza Soberano. Sa victory presscon ng FAMAS (Filipino Academy of Movie Arts and Sciences) Best Actress na ginanap sa Viva Office last Friday ay nagpahayag ito na action naman ang gusto niyang gawin this time.
Nakagawa na raw siya ng romantic-comedy, drama at ngayon nga ay latest niya ang musical film na Indak with Sam Concepcion, kaya gusto naman daw niyang subukan ang action.
When asked nga kung willing siyang mag-audition na kasalukuyang ginaganap this weekend (kahapon and today, Sunday), aniya ay depende raw sa management kung sasabihan siya.
“Kasi ako naman po, ‘pag sinabihan naman ako, gagawin ko. Very ano naman ako, I’m very open to everything. Pero kung wala naman pong sinabi sa akin ang management, it’s okay lang. But if they ask me, of course I would wanna do it, ‘di ba? Sino naman po bang ayaw maging Darna, ‘di ba?” she said.
Ayon pa sa aktres, she’s honored na lumilitaw ang pangalan niya sa choices ng mga tao to portray the said iconic role, including Direk Erik Matti na dating direktor nito pero nag-resign nga at pinalitan ni Jerrold Tarog.
“I’m really very honored. Kasi siyempre, si Darna, icon ‘yan, eh, ng mga Filipinos, especially for the women kasi she’s a strong woman. So, parang she’s also like, parang symbol of hope, ‘di ba? And she’s a protector.
“So, para maihalintulad ako ng tao kay Darna, it’s amazing. Pero like what I said po kasi sa interviews ko before, I’m not expecting for anything,” she said.
Dagdag pa niya, “And alam ko naman po, ibibigay nila ‘yung role sa taong deserving.”
When asked kung physically ready ba siya na gampanan ang Darna, aniya ay mukhang hindi nga dahil ang tagal daw niyang hindi nag-gym.
“And ‘yung training po kasi nu’n, since nakapag-usap nga po kami ni Liza (Soberano) last year sa Christmas Special, mahirap po talaga ‘yung training, hindi siya madali.
“So, kung ibibigay man po sa akin ‘yun, matinding training po muna ‘yung pagdaraanan ko,” aniya.
Kung mapipili raw siya ay talagang paghahandaan niya ito dahil malaking responsibilidad ito. Pati ang mga harness and costumes ay exciting daw for her dahil ‘yun talaga ang gusto niya.
“‘Yung harness, tapos ‘yung maliliit na stunts… Kaya po ‘yung dancing, para sa akin, gustung-gusto ko kasi magalaw po kasi ‘yun, eh,” sey pa niya.
Pati nga raw ang boyfriend niyang si James Reid ay pinu-push siya to go for it.
“Kasi siyempre, for him, ‘yun ‘yung nakikita rin niya na characteristics ko — someone who is very ano, you know, independent, strong, ganu’n. So, parang… siyempre, ‘di ba, ipu-push niya ako but we’ll see,” she said.
Comments