Election workers na patay sa sobrang pagod, 474 na

INIIMBESTIGAHAN na ang sanhi ng pagkasawi at pagkakasakit ng daan-daang election workers na nagbibilang ng mga boto sa presidential and legislative elections sa Indonesia.

Batay sa rekord ng Komisi Pemilihan Umum (KPU) o The General Election Commission na nag-organisa ng halalan sa bansa, umabot na sa 474 ang bilang ng mga nasawing election workers dahil sa fatigue-related illnesses.

Dahil dito, hinimok ng chairman ng Indonesia Ulema Council ang pagbuo ng kanilang pamahalaan ng fact-finding team na malalimang mag-imbestiga sa insidente.

Dagdag pa nito, dapat kasama ang mga elemento ng civil society sa bubuuing fact-finding team.

Napag-alaman na nagsimula ang pamahalaan ng Indonesia na magbigay ng compensation sa pamilya ng mga nasawi at mga nasa ospital pa.