Bebot na madalas atakihin ng depresyon

Dear Roma, Ako si Laiza, 20 years old. Madalas akong inaatake ng depresyon, siguro dahil na rin sa pagkamatay ng mga magulang ko. Sa totoo lang, hanggang ngayon isang taon na ang nakalilipas ay hindi pa rin ako maka-move-on, lalo na kapag may problema ako. Sa totoo lang, hindi ko na alam ang gagawin ko. Sana, mabigyan ninyo ako ng payo. — Laiza

Laiza, Alam mo, iha, naiintindihan namin ang iyong pinagdaraanan. Sa nangyayari sa iyo ngayon, mainam na palagi kang magkakaroon ng kasama kahit saan ka magpunta nang sa gayun ay may makatulong sa iyo. Palagi mong tatandaan na anuman ang pagdaanan mo sa buhay, lahat ng ‘yun ay iyong malalagpasan. Kumapit ka lang sa nasa itaas dahil Siya ang iyong magiging malakas na kakampi. Kaya mo ‘yan! Good luck and God bless!