SMB, BUMAWI SA GAME 2 HOTSHOTS, PINULUTAN

TABLA na ang serye sa 1-1 matapos lagukin ng four-time defending champion San Miguel Beer ang 108 - 101 panalo kontra Magnolia Hotshots sa Game 2 ng PBA Philippine Cup best-of-seven finals kagabi sa Araneta Coliseum.

Maagang uminit ang opensa ng Beermen, nakalamang sila ng 10 puntos, 51-41 sa halftime.

Ganadong naglaro sa third canto ang Beermen kaya naman lalo nilang binaon ang Magnolia, 83-66 papasok sa huling 12 minuto ng laban. Dahil sa laki ng lamang ng San Miguel ay hindi na nakahabol ang Hotshots sa fourth quarter.

Samantala, naka-una ang Hotshots sa Game 1 matapos ilista ang 99-94 panalo noong Miyerkules ng gabi sa parehong lugar.

Para kay Magnolia head coach Chito Victolero, depensa ang naging susi ng panalo nila sa mahigpit na karibal na Beermen. “Kinausap ko mga players ko sa halftime, sabi ko na hindi natin matatalo ang San Miguel sa opensa,” saad ni Victolero. “They just scored 55 points in the first half and although we’re able to score, too, we weren’t able to assert our identity, which is defense.” Kaya naman masaya si Victolero sa pagtugon ng kanyang mga bataan. “I’m very happy they responded to the challenge, played good defense in the second half and limited them to under 100 points. That’s the key against the offensive-minded Beermen,” ani Victolero.

Bakbakan sa unang dalawang quarters pero umalagwa sa third canto ang Hotshots upang hawakan ang seven-point lead, 80-73 papasok ng payoff period. (ATD)