Kelot dedo, 1 sugatan sa pamamaril

SAMAR—Isang lalaki ang namatay at sugatan naman ang kaibigan nito nang barilin sila ng hindi kilalang armadong salarin, kamakalawa sa Bgy. Carayman, Calbayog City sa lalawigang ito.

Nakilala ang nasawi na si Plomen Labasan, samantalang, ang sugatan ay si Danny Fernando, kapwa nakatira sa Bgy. Salvacion sa nasabing lungsod.

Ayon sa ulat, lulan ng tricycle sina Labasan at Fernando nang pagbabarilin sila ng suspek.

Dinala ng mga saksi ang dalawang biktima sa ospital, pero idineklarang dead-on-arrival si Labasan.