LETRAN AT CSB, HANGAD ANG PLAYOFFS SA D-LEAGUE

MAPALAKAS ang kani-kanilang tsansa na umabot ng playoffs ang kapwa hangad ng Pet­ron-Letran at Go for Gold-CSB sa kanilang pagtutuos ngayong ha­pon sa 2019 PBA D-League sa Ynares Sports Arena sa Pasig.

Parehas galing ang Knights at ang Scrat­chers sa back-to-back wins at kapwa sila ta­target ng ikatlong sunod sa pagtutuos nila sa ika­lawang laro ng 2 p.m.

Hangad ng Knights na patatagin ang kapit nila sa no. 3 spot ng As­pirants Group.

“Baka mabigyan tayo ng chance na ma­kaabante sa next round, so every game, we have to prepare and execute,” wika ni coach Bonnie Tan.

“I like how we’re battling and staying com­posed,” ayon na­man kay Scratchers coach Charles Tiu na naghahangad umangat sa taglay nilang patas na markang 3-3.

Sa iba pang mga laro, magtatangka ang St. Clare College Virtual Reality (4-2) na pala­kasin ang tsansa nilang umabot ng playoff sa pagsagupa nila sa out of contention ng McDavid (1-6) sa pambungad na laro ganap na alas-12:00 ng tanghali.

Susundan ito ng du­welo ng Marinerong Pilipino (3-3) at Diliman College-Gerry’s Grill (3-3) na tatangkaing pumantay sa ikatlong puwesto ng Foundation Group kung saan solong nakaluklok ngayon ang Cha Dao - FEU sa ka­nilang pagtatagpo ganap na 4 p.m.

(VA)