UST, NASA WIN COLUMN NA NG D-LEAGUE ASPIRANTS CUP

MULING humanay sa win column ang University of Santo Tomas matapos padapain ang McDavid, 111-90, kaha­pon sa 2019 PBA D-League sa JCSGO Gym sa Cubao.

Nanguna ang kani­lang Beninese forward na si Soulemane Chabi Yo sa nasabing panalo ng Growling Tigers sa iniskor nitong 25 pun­tos, 15 rebounds at 5 as­sists. Dahil sa kani­lang panalo, umangat ang Tigers sa markang 5-1 sa Aspirants Group.

Pinasimulan din ni Chabi Yo ang pagrat­sadang ginawa ng Iron­con-UST sa first half kung saan nakalayo sila sa iskor na 59-41 na napalobo pa nila hang­gang 109-82 sa fourth canto.Nagdagdag na­man sa panalo si Marvin Lee ng 17 puntos at 8 assists gayundin si Rhenz Abando na nagtala ng 13 puntos.

Ngunit sa kabila ng natamong tagumpay, hindi pa kuntento si Tigers coach Aldin Ayo. “Kulang na kulang pa. Hilaw pa. We know it will take some time for the players to adapt to it, pero right now, what we’re thinking is how to establish our system,” ayon kay Ayo. Samantala, namu­no naman sina Rev Di­pu­tado at Jason Melano na nagtala ng tig-18 puntos para sa natalong McDavid (1-6). (VA)