OBIENA, TOPS APRIL ATHLETE OF THE MONTH

PINAKAMALAKING achievement na rin ng isang Pinoy athlete na tulad ni Ernest John Obiena ang pag­sungkit niya ng makasaysa­yang gold medal triumph sa men’s pole vault sa nagda­ang Asian Athletics Cham­pionships na idinaos sa Doha, Qatar.

Malinis na nalundag ng 23-anyos na si Obiena ang 5.71 meters upang talunin ang mga Chinese bets na sina Zhang Wei at Huang Bokai at lampasan ang 5.70 meter record ni Kazakh Gri­goriy Aleksandrovich Yego­rov noong 1993 edition sa Manila.

Ito na rin ang unang gold medal na napagwagian ng Pinoy sa continental meet mula nang magawa ito ni Ma­restella Torres (long jump) noong 2009. Napili ng Tabloid Organization in Philippine Sports (TOPS) si Obiena bilang “TOPS Ath­lete of the Month” for April. Ang personal na tagum­pay ni EJ Obiena sa tourna­ment record ang tumuldok sa ilang dekadang pagka­uhaw sa gold medal ng ban­sa sa Asian Athletics Cham­pion­ships at maliwanag na ‘most inspiring achieve­ment’ ng isang Pinoy athlete ngayong Abril.

Kasama na si Obiena sa ‘elite list of athletes’ na napili ng TOPS para sa outstan­ding achievements sa kaha­nga-hangang mundo ng ka­nilang sports sa unang tat­long buwan - boxer Manny Pacquiao (Enero), swimmer Micaela Jasmine Mojdeh (Pebrero at pole vaulter Natalie Uy (Marso). (MC)