GAGO, SA PAN-PACIFIC TITLE SA MACAU; PACQUIAO, NANALO SA REMATCH FIGHT

MULING mapapa­sabak si Perth’s native un­defeated Welterweight stand­out Steve Gago, 10-0, sa isang matinding bakbakan at pakay niyang mapagtagum­payan ang kampanya sa IBF convention sa Macau, kung saan makasasagupa niya para sa IBF’s Pan-Pacific title si Filipino Adam Diu Ab­dulhamid, 14-7, at pa­nga­ko niyang mamadaliin niya ang laban at tatalunin ang Pinoy. Si Abdulhamid naman ang kinatawan ng pa­mosong Sanman Boxing stable.

Walang dungis ang professional record ni Gago para sa muling pagharap sa isang oportunidad na suma­bak sa prestihiyosong IBF convention. Aniya, “Firstly, thank you to my manager Tony Tolj at Dragon Fire Boxing for making this op­portunity a reality for me. As a boxer, you always want to be recognised by the gover­ning bodies, so fighting at a convention is the ultimate. I can’t wait to put on a show for the IBF representatives and hopefully showcase my skills well enough, win the fight and emerge with a high world rating following it.”

Idaraos ang laban ni Gago at ng Pinoy para sa Pan-Pacific regions title sa Macau convention at may mga nakahanda na siyang estratehiya sa bakbakan. Ayon sa Australian na si Gago, “Training is going perfectly. I am always in the gym, sparring up and coming talent like Jackson Jon England who is going to be a champion going for­ward, and experienced for­mer world champions like Lucas Browne. I couldn’t ask for more training wise and that is showing in my perfor­mances.”

Samantala, mukhang hin­di na maaawat ang box­ing career ng anak ni Sena­dor at Pambansang Kamao Manny Paquiao na si Jimuel Pacquiao dahil nagwagi na naman ito sa isang rematch laban sa kanyang kaklase.

Sa isang video na inila­bas ng ABS-CBN via Dyan Castillejo, nagwagi si Jimuel sa 3-round bout sa bisa ng decision sa Alabang nitong Sabado sa Budnikov Martial Arts Gym, ang rematch kontra sa kaklase niya na una niya ring tinalo noong Enero.

Sinabi ng batang Pac­quiao, na gigil talaga siyang sundin ang mga yapak ng kanyang amang world-champion kung saan una niya ring tinalo si Lucas Car­son noong Pebrero, pinabag­sak si Carson sa 2nd round.

(MC)