PHILTOBO 3-YO, GINTONG LAHI GRADUATE SA SLLP

NAKATAKDANG magpakita ng galing at hu­say sa larangan ng karera ang 14 na kabayo sa Phil­tobo “Gintong lahi Gra­duate Stakes Race” sa San Lazaro Leisure Park sa Carmona, Cavite.

Sa darating na Linggo, Mayo 5, magaganap ang ma­sasabing pakarera na pag­la­la­banan ng may pina­ka­ma­gandang lahi ng grupo na kinabibilangan ng Philip­pine Thoroughbred Owners and Breeders Orga­nization (PHILTOBO).

Ito ang kauna-unahang pakarera ng PHILTOBO na may nakalaang pa-prem­yong P2-M na hahatiin sa apat na unang makatatawid sa finish line sa 1,600 meter. Mag-uuwi ng P1.2-M ang tatanghaling kampeon sa PHILTOBO 3 year old “Gin­tong Lahi Graduate” Stakes Race P450,000 sa 2nd place, P250,000 sa 3rd place at P100,000 ang 4th place

Ang mga kalahok ay ki­nabibilangan ng Coup D’ Etat; Golden Buzzer; Jayz; Lady Bell; Money For Tony; Mount Dulag Dulag; My Shelltex; PeterSaints; Real Gold; Serafina; Shang­hai Noon; Storm Bell; The Accountant at Toy For The Bigboy.

Sa mga kalahok, tatlo ang magka-couple entry ito ay kinabibilangan ng Lady Bell at Storm Bell; Money for Tony, My Shell­tex, Peter­Saints at Toy for the BigBoy.

Tatanggap din ng tro­phy ang mananalong kabayo para sa horse owner, trainer at hinete mula sa PHIL­TOBO.

Samantala, nakatakdang bitiwan ang 2019 Philracom 4 Year Old & Above Open Stakes Race sa Mayo 19 sa Metro Manila Turf Club, Inc (MMTCI) sa Malvar, Ba­tangas. Tatawid sa 1,600 me­ter na distansiya ang gus­tong lumahok na nasabing karera. Bukas sa lahat ng 4 Year Old & Above na im­ported at local horses ang nasabing pakarera.

Tatanggap ng P300,000 ang tatanghaling kampeon, habang mag-uuwi ang 2nd placer ng P112,500, tatang­gap ng P62,500 ang 3rd place at P25,000 ang 4th place.