Todo-kilig na napansin ng Korean actor, Erwan… ANNE, 'DI MAKAPANIWALA SA GINAWA SA KANYA NI PARK

Ador Saluta / ADORE ME!

NANLUMO naman si Anne Curtis nu’ng mala­mang ini-reset ng South Korean superstar na si Park Bo Gum ang dapat sana’y fan meet nito sa Pilipinas.

Subali’t naiintindihan naman ni Anne ang desisyon ni Park Bo Gum at ng management nitong Blossom Entertainment na i-reset ang kauna-unahang fan meet ng South Korean superstar dahil sa lindol nitong naka­­raang araw sa bansa.

Sa mga ‘di pa nakakaalam, si Anne ang napiling host ng Good Day in Mani­la fan meet ni Bo Gum na magaganap dapat ngayong Sabado (April 27) sa SM Mall of Asia Arena, Pasay City.

Pero noong Miyerkules (April 24), inanunsiyo ni Bo Gum sa dalawang tweets ang pag-postpone nito sa fan meet dahil sa earthquake na yumanig sa Luzon noong Lunes (April 22).

Na-touched naman si Anne sa pag-tweet sa kanya ni Bo Gum nang araw ding ‘yun.

Aniya, “I didn’t expect it so... I was in Showtime, apparently, when he tweeted me.

“So when I opened my Twitter, I mean, grabe tala­ga ‘yung mga... ‘Hindi niya pa nakikita kasi she’s live in Showtime.’

“I think it was very char­m­ing and very sweet of him to reach out and explain why he wouldn’t be coming.

“Basta, I was just so hap­py. Na-distract ako sa Show­time after nu’n.”

Natatawa pang sabi ni Anne, “I think it was like... memorize? ‘Hi, Anne. Thank you so much for sparing your time to emcee my Good Day fan meet in the Philippines.’ Like ‘Unfortunately, I won’t be able to meet you but I hope to meet you again soon and I will pray for the Philippines.’

“It was very sweet and very respectful for him to actually explain that so I was very touched.”

Siya pa rin kaya ang magho-host ng fan meet ni Bo Gum sa June 22?

Sagot ni Anne, “Yes, I will still be the emcee on June 22.”

Nakapanayam ng PEP si Anne tungkol pagkaka-reset ng fan meet sa press launch ng kanyang endorsement na ginanap sa Shangri-La at the Fort, Bonifacio Global City.

Pahayag ni Anne, “Siyempre, ang daming nalungkot but, you know, when you look at Park Bo Gum’s official statement coming from him and how concerned he is about the Philippines and how he’s praying for us, you’ll genuinely understand that it’s for everyone’s safety.

“Kasi ang daming earthquakes na nangyayari. I mean, we had the big one and then the next day, there was another one,” concerned ding sabi ni Anne para sa mga fans.