TV host, nainsulto, todo-palag sa netizen… HIRIT NI KRIS: MAS TANGGAP KONG TAWAGING MALANDI KESA TAN

Nitz Miralles / BIDA

MAY meme ang video ni Kris Aquino na kinunan ni Leo Bukas habang ini-interview at biglang lumindol.

Ginaya ni Chino Liu si Kris at plakado ang mga sinabi ng TV host. Nagkaiba lang sa bitaw ng salita, iba pa ring magsalita si Kris.

Anyway, hindi nagustuhan ni Kris na tinawag siyang “tanga” ng isang netizen kaya sinagot niya ito.

“I don’t personally handle my Twitter but this IG is my sovereign territory. BUHAY ako, prayers are now with those who lost their loved ones sa lindol. Normally, kayang-kaya ko mag-ignore... BUT u take exception ‘pag tinawag akong “tanga”- shall we meet? Want to see how intelligent you are. Kung ka-level ka ng DAD ko, by all means I can humble myself & agree with you. Game knb?”

May pahabol pa siyang post na, “Call me malandi, and every sexual insult, I can take it, because it’s part of my past, cannot be erased, can only be used as valuable & expensive lessons. But call me dumb/tanga? Ay, labasan tayo ng IQ tests... FYI, Iba ang tanga sa nagpakatanga.”

Binanggit din ni Kris si Davao City Mayor Sara Duterte sa isa niyang post: “I am no match for Mayor Sara. Lawyer s’ya, buo ang pamilya n’ya, and tapikin lang n’ya ko — physically, tutumba ako. I hate the idea of pitting women against each other simply because the men lack the “balls”- so pass the battle to the women. Sorry, we’re too smart for that.”

Samantala, walang na-violate sa kanyang endorsement contract si Kris kahit pa suportado niya ang kandidatura ng pinsang senatoriable na si Bam Aquino.

Sa mediacon that she organized, ang wife ni Bam na si Timi Aquino lang ang present at walang binanggit si Kris na iboto si Bam.

Sabi lang nito, iboboto niya si Bam at binanggit ang mga rason kung bakit dapat ibalik sa Senado ang pinsan.