MAAGA ANG PAGHAHANDA NG GILAS PARA SA FIBA

UMAASA si Gilas Pi­lipinas head coach Yeng Guiao na mapapaaga ang magiging preparasyon ng koponan para sa FIBA Basketball World Cup.

Ayon kay Guiao sa Phi­lippine Sportswriters Asso­ciation (PSA) Forum, nag­pasa siya ng isang panukala na mapahaba ang preparas­yon ng Gilas Pilipinas mula sa 10 araw na itinakda sa kanya ng PBA.

“We’re hoping we can start earlier. I think we need more than the 10 or 12 days of break (in the PBA sche­dule) for the World Cup so we can extend our practi­ces,” wika ni Guiao sa PSA Forum na ginanap sa Ame­lie Hotel sa Manila.

Dagdag ni Guiao, ma­giging mainam para sa ko­ponan kung makaka­pag­handa sila ng isang buwan sa mabigat nilang makaka­laban sa Group D kung saan kakaharapin nila ang Ser­bia, Italy, at Angola.

“I’m asking for more than 12 days of continuous practice or if possible, one month. I hope we can prac­tice twice a day for four days in June, then twice a day for eight days in July and the daily in August,” ani Guiao.

Ayon naman kay PBA Commissioner Willie Mar­cial na nagtungo rin sa PSA Forum, pag-uusapan ng PBA board ang mga plano para sa Gilas Pilipinas sa FIBA Basketball World Cup sa Huwebes.

“I’ve had initial talks with coach Yeng on this. We fully support him. It can be done,” saad ni Marcial.