Bawat araw ay isang biyaya Ni: Ronalyn Seminiano Reonico
Bawat paghinga, bawat pagngiti,
bawat pagpatak ng luha,
mula sa iyong mga mata,
mga bagay na sadyang kaybuti.
Ang buhay ay natatapos din.
Natatapos kung susuko kang lumaban.
Ang mga pagsubok ay nagwawakas din.
Nagwawakas kung ang pagtayo’y iyong susukuan.
Ang pag-asa’y nagwawakas,
magwawakas kung ang pagtitiwala’y ititigil.
Ang posibilidad ay mapipigil,
mapipigil kung ika’y aatras.
Huwag kang lumingon pabalik.
Huwag kang tumingin sa bukas.
Ang iyong sarili’y ituon sa itaas, ang ngayo’y bigyang pagtangkilik.
Sa Diyos, pasasalamat ay sambitin.
Kagalakan sa puso ay awitin sapagkat ano pa’t hindi sa lahat ng tao’y,
sinag ng araw ng bukas ay dumarating.
Magandang araw, mga bes! ‘Wag nang magpahuli sa trend at i-share na ang inyong #Hugot at i-confess mo na, bes ang matagal mo nang gustong aminin sa bagong column ng BULGAR na WHAT’S IN, KA-BULGAR? Ito na ang perfect timing para ma-publish ang laman ng inyong damdamin kaya mag-send na ng personal message sa aming official Facebook page – www.facebook.com/BULGAR.OFFICIAL. Hihintayin namin ang PM n’yo, mga bes, hindi ‘yung puro kayo na lang ang naghihintay sa wala. Char!
Comments