Pati sa anak, aprub, Jodi… JOLO, IPINAGSIGAWAN SA SOCMED NA LOVE NA LOVE ANG BAGONG GF

Nitz Miralles / BIDA

PINAGHIHINALAANG engaged na sina Cavite Vice-Governor Jolo Revilla at Angelica Alita dahil sa IG story ng beauty queen GF ng aktor, may picture siya na may suot na ring na very proud niyang ipinakita. Pero kung tatanungin, hindi siguro nito aaminin na engaged na sila ni Jolo.

Anyway, sa Boracay nag-spend ng Holy Week sina Jolo at Angelica kasama ang buong pamilya ng aktor at sa asalto nina Jolo sa mom nitong si Bacoor City Mayor Lani Mercado, kasama rin si Angelica. Ibig sabihin, family na talaga ang turing sa kanya.

Nagpalitan ng sweet messages sina Jolo at Angelica at nauna si Jolo sa post na “Thanks for loving me for who I am... Looking forward to more adventures in our wonderful journey together!”

Sumagot si Angelica ng “There’s nothing not to love about you. Thank you for making our world so wonderful, on to next.”

Nagpalitan din ng “I love you” sina Jolo at Angelica at pati ang anak ni Jolo na si Gab, nag-comment ng “love u both” na sinagot ni Angelica ng “We love you too.”