Kaya proud pa raw… RESBAK NI GRETCHEN: HAPI AKONG KABIT DAHIL WALA AKONG PINEPERHUWISYO!

Erlinda Rapadas / TEKA NGA

KUNG dati-rati ay todo ang pamba-bash kay Gretchen Barretto dahil sa pakikisawsaw niya sa isyu ng ilang personalidad, lalo siyang pinag-initan ng kanyang mga haters at detractors nang i-post niya sa social media ang kanyang mga branded stuff.

Umani ito ng galit at muling naungkat ang kanyang pagiging kabit o mistress. Todo-displey nga raw si Greta ng kanyang mga sosyaling gamit, pero hindi naman niya pera ang ipinam­bili kundi kay Tony Boy Cojuangco, ang kanyang long-time live-in partner.

Sey pa ng isang sutil na basher, kahit pa raw milyones ang halaga ng mga gamit ni Gretchen, ‘di pa rin nito mababago ang status ng aktres bilang kabit o mistress.

Buwelta naman ni La Greta, hindi niya ikinahihiya kung siya man ay kabit. At kung anuman ang bagay na naipundar niya, maligaya siya at walang pineper­huwisyong sinuman.

It seems palaban at pumapa­tol na rin si Gretchen sa kanyang mga bashers.