Make sure raw na magpapakonsulta na kayo sa doktor... MGA BIKTIMA NG SCAM, POSIBLENG NAKARARANAS NA
- BULGAR
- Apr 18, 2019
- 1 min read
USUNG-uso ngayon ang mga scam kung saan karamihan sa mga nabibiktima ay ‘yung may mga edad na. Pero, knows ba ninyong ang mga taong nai-scam ay prone umano sa pagkakaroon ng dementia? Talaga ba?
Ayon sa pag-aaral, kapag ang tao umano ay nai-scam, isa itong maagang indikasyon na ‘yung taong ‘yun ay nakararanas na ng cognitive declines.
Gayunman, karamihan umano sa mga nabibiktima ng scam ay mga matatanda kung saan base sa pagsasalisik mula sa Rush University in Chicago, ang elder fraud ay nakananakaw ng $35 billion kada taon.
Ito ay dahil karamihan sa nai-scam ay ‘yung mga indibidwal na makakalimutin kung saan posible silang magkaroon ng alzheimer at dementia dahil nahihirapan nang gumana ang parte ng kanilang utak na responsable sa social judgement.
Sa totoo lang, bukod sa pang-i-scam maging ang pambubudol ay nakatutukoy din kung ang indibidwal ay may problema sa pagmememorya.
Kaya ang payo ng mga eksperto, mainam na magpakonsulta agad sa doktor tungkol sa iniindang karamdaman, gayundin uminom ng mga supplement na nakatutulong upang ito ay maibsan.
Sa panahon ngayon, mahirap ng maging makakalimutin, lalo na kung marami ang nangungutang sa inyo dahil kapag nakalimutan ninyo ito, maaaring maging “thank you” na lang ito sa paglipas ng panahon.
Kaya naman sa mga beshy natin diyan na mayroon pang mga lolo at lola at mga magulang na medyo kamot-kalimot na, bantayan ninyo sila upang dehins sila maging biktima ng scam o Budol-Budol Gang. Okie?
Comments