Nandu‘n daw kasi ang suwerte mo, ‘teh! BABAENG SA SANDALING MAKAPANGIBANG-BANSA AY TIYAK NG UUNLAD,

Maestro Honorio Ong

KATANUNGAN

1. Nag-a-apply ako sa abroad ngayon, pero hindi ko pa tiyak kung maka­aalis ako, kaya naisipan kong sumangguni sa inyo upang itanong kung may guhit ba sa aking mga palad na ako ay makapa­ngingibang-bansa?

2. Kung sakaling ma­tuloy ako, kailan kaya?

KASAGUTAN

1. Sabi ng Irish poet at novelist na si George Moore, “a man travels the world to search of what he needs and returns home to find it.”

2. Para bang kaya ka nag-a-abroad ay upang mabigyan mo ng masaya at maunlad na kinabukasan ang iyong pamilya at sa iyong pagba­balik sa sarili mong bansa, ‘yun nga ang iyong napala – umunlad ang kabuhayan ng iyong pamilya.

3. Pero, kung minsan, kabaligtaran naman ang nangyayari. Nag-abroad ka para magkaroon ng masaya at maunlad na pamilya, ngu­nit, sa iyong pagbabalik, na­ngaliwa ang iyong asawa at nawasak ang inyong pa­milya.

4. Samantala, Gemma, ayon sa iyong kapalaran, ang unang halimbawa ang matu­tu­pad sa iyong tadhana kung saan positibo ang tugon, ito ang nais sabihin ng malawak at mahabang Travel Line (Drawing A. at B. t-t arrow a.) sa kaliwa at kanan mong palad. Tanda na hindi ka ma­iinip, mabilis na mapo­pro­seso ang mga papeles mo pa­tungong ibang bansa, kaya sa kalagitnaan ngayon taon, sa buwan ng Hulyo o kaya ay Agosto, pinakamatagal na sa buwan ng Oktubre, may mabunga at mabiyayang pa­ngingibang-bansang itatala sa iyong kapalaran.

5. Ang pag-aanalisang makapag-a-abroad ka at su­suwertehin ngayon ay ma­dali namang kinumpirma ng birth date mong 10 o 1 (1+0= 1) kung saan tulad ng naipa­liwanag na, magsisimula ang suwerte mo nga­yong 2019 hang­gang sa mga taong 2020 at 2021, sa edad mong 28 pataas. Sa nasa­bing pa­na­hon, tu­luy-tu­loy nang uun­lad at lalago ang iyong kabuhayan dahil sa pangingi­bang-bansang na­ka­takda na ngang umunlad ka na na­kalagay sa guhit ng kaliwa at ka­nan mong palad (t-t arrow a.).

MGA DAPAT GAWIN

1. Sa panahon ngayon, maraming nag-a-apply sa abroad ang natutuloy naman, kaya lang ang malungkot na balita ay bihira lang ang tala­gang umaasenso o nagkaka­roon ng maunlad na pamu­mu­hay dahil pagbalik nila sa ating bansa ay nagiging ma­gastos at maluho ang pamu­muhay nila kaya nauubos ka­agad ang naipon nilang pera sa pangingibang-bansa.

2. ’Yung iba naman, hindi makaipun-ipon dahil padala nang padala sa humihinging mga kamag-anak at mahal sa buhay na naririto sa Pilipinas.

3. Dahil dito, sadyang na­pakahalaga na bago ka maki­pagsapalaran sa ibayong-dagat, kailangan mo munang masuri kung mayroon bang “good looking Travel Line” (Drawing A. at B. t-t arrow a,.) sa kaliwa at kanang palad ang indibidwal kung saan ang ibig sabihin ng “good-loo­­king Travel Line” (arrow a.) ay m­alinaw na linya na sumang­ga sa Life Line (arrow L-L arrow b.), hindi nagkabilog, walang guhit na humadlang, hindi nalatid at nagulo, kum­baga, sa Guhit ng Paglalak­bay (Drawing A. at B. t-t ar­row a.), suwabeng-suwabe ang pagkakapinta at tuluy-tuloy na humaba at luma­wak.

4. Sa kaso mo, Gemma, saktung-saktong nagtataglay ka ng “good-looking Tra­vel Line” (arrow a. at b.) sa kaliwa at kanan mong pa­lad na nangangahulugang ang inaasahang pag-a-abroad ngayong 2019, sa edad mong 28 pataas ay matutupad na na­katakda na ngang magbu­nga ng mabiyaya at masu­wer­teng pangingibang-ban­sa.