Expected na ng madlang pipol… JULIA, TAKOT MASIRA ANG CAREER, NEVER AAMING MAY ANAK NA SILA NI COCO

Erlinda Rapadas / TEKA NGA

HINDI na inaasahan pa ng mga net­izens na aamin sina Julia Montes at Coco Martin sa nababa­litang may “anak” na sila na bunga ng kanilang pag­mamahalan.

Kung madali naman sa parte ni Coco ang pag-amin dahil action star ang image niya at hindi isang heartthrob, si Julia ay may career na dapat alagaan.

For sure, hindi niya basta maigi-give up ang kanyang pag-aartista dahil may pamilya siya na dapat tulungan. Kahit na sabihin pang nakapagpundar na si Julia ng mga properties at nakapag-ipon, still, marami pang oportunidad na naghihintay sa kanya.

Iba ang magiging tingin ng publiko sa artistang nagkaroon na ng anak. Kung dati-rati ay pang-leading lady ang mga roles na ibinibigay kay Julia, kapag inilantad na niya sa publiko ang kanyang “baby” (kung me­ron man), tiyak, mother role na lang ang ibibigay sa kanya sa mga su­sunod niyang teleserye at pelikula. Bababa at mababa­wasan na ang kanyang premium at kalidad bilang artista.

Pero, hanggang kailan puwedeng itago ang isang lihim? Matalas ang pakiram­dam ng mga tao sa showbiz. Lalabas din ang katotohanan.