Kahit magkapatid pa… NABULGAR: LAUREN, WALANG BALAK TULARAN SI MEGAN

Erlinda Rapadas / TEKA NGA

WALANG sibling rivalry kina Megan at Lauren Young kahit pareho silang nasa showbiz. Hindi rin pina­ngarap ni Lauren na tularan ang kanyang Ate Megan na nag-join sa mga beauty pageants.

Masaya na siya na nabibigyan ng serye sa GMA Network at natutuwa siya sa mga papuri at feedback sa kanyang pag-arte.

Hindi lang ang pagiging kapatid ni Megan ang dahilan kaya siya nagkakaroon ng mga teleserye sa GMA-7. Kinikilala na rin ang kanyang husay sa pag-arte. At sa aspetong ito, nalamangan niya ang Miss World 2015 na si Megan Young.

May pagka-bratty at rebelde ang role ni Lauren sa Hiram na Anak. Isa siya sa mga magpapahirap sa buhay ni Miren (Yasmien Kurdi) at sobrang kai­inisan ng mga televiewers.

Well, ang pagiging bad girl ni Lauren Young ay bahagi lang naman ng kanyang career. Nanga­nga­hulugan lang na magaling siyang umarte.

May mga nagsasabi ngang mas magaling na ak­tres si Lauren kumpara sa kanyang Ate Megan. Pero sa halip na ma-offend si Megan sa mga comments ng mga netizens, natuwa pa siya para sa kanyang kapa­tid na si Lauren.