Sa gitna ng dagat ng bakit ni: Isabelle Aira Fernando
Muli, ako’y iniwan
sa gitna ng karagatan.
Inaalisa kung saan pupunta,
tumatanaw ng tulong, ngunit, walang makita.
Sumagwan patungo sa kung saan,
sumagwan nang sumagwan.
Ngunit, tila ako’y paikut-ikot lang,
bumabalik at bumabalik kung saan iniwan.
O, baka hindi lang napapansin
dahil malayo ang tingin,
na ang usad ay malayu-layo na rin.
Umaasang babalik ka pa rin.
Ngunit, sino ang aking niloko?
Kailangan kong matutong umalis sa dagat ng bakit.
Lumalakas ang hampas ng alon,
ngayon ako’y nalulunod.
Kailangan ko ng tulong,
ngunit, kailangan ko nang kumawag
sapagkat sarili ko lang ang makapagsasalba sa akin.
Magandang araw, mga bes! ‘Wag nang magpahuli sa trend at i-share na ang inyong #Hugot at i-confess mo na, bes ang matagal mo nang gustong aminin sa bagong column ng BULGAR na WHAT’S IN, KA-BULGAR? Ito na ang perfect timing para ma-publish ang laman ng inyong damdamin kaya mag-send na ng personal message sa aming official Facebook page – www.facebook.com/BULGAR.OFFICIAL. Hihintayin namin ang PM n’yo, mga bes, hindi ‘yung puro kayo na lang ang naghihintay sa wala. Char!
Comments