Pinagkaguluhan daw sila sa HK… PIKTYUR NI DIREK CATHY NA GALIT NA GALIT AT NAGSISISIGAW SA SHOOTING

Anj Cabilla / PAK ANG GANAP!

KALAT na sa social media nga­yon ang mga litrato na kuha sa shooting ng unang peliku­lang pagsasamahan nina Alden Richards at Kathryn Bernardo titled Hello, Love, Goodbye na ididirek ng blockbuster director na si Cathy Garcia-Molina.

May video pa nga na kumakalat na kuha ng isang netizen kung saan mapa­panood na tila nagagalit at sumisigaw si Direk Cathy dahil sobrang pinagkaka­guluhan sila ng mga kababayan nating nasa Hong Kong, kaya’t naaantala ang kanilang pagsu-shooting.

Ang istorya ng Hello, Love, Goodbye ay kuwento ng dalawang domestic helpers sa bansang Hong Kong.

Sa isang interview, sinabi ni Kathryn na todo ang pagha­handang gagawin nila sa unang pelikula na pagsasamahan nila ni Alden dahil ipa-familiarize siya sa Hong Kong kung saan pag­mu­mukhaing natural ang lahat at hindi arte lang.

“May mga ipapagawa sila sa akin pagdating ko doon para medyo ma-familiarize. Hindi ha­latang parang inaarte ko lang lahat. Ipapa-feel nila talaga sa akin ‘yung pagiging independent. Kinausap nila si Mama kung paano ako i-handle sa Hong Kong. Medyo kinakaba­han ako pero it’s all for the character,” pahayag ni Kathryn.

Dagdag pa ni Kathryn, “Ha­lo-halo ang napi-feel ko kasi siyempre, ang dami kong maiiwan dito. Ang dami kong mami-miss. Pero excited ako at the same time kasi medyo na-present na ‘yung final script namin. Excited akong maipakita ‘yung Hong Kong and ‘yung domestic helpers kung paano sila sa Hong Kong.”