Go Negosyo, nagbigay ng libreng negosyo mentorship para sa aspiring entrepreneurs!
- Thea Janica Teh
- Apr 13, 2019
- 1 min read
Bulgarific
HELLO, Bulgarians! Kamakailan ay nagsama-sama ang mga aspiring entrepreneur sa Mega Fashion Hall sa SM Megamall para sa libreng negosyo mentorship na hatid ng Go Negosyo kasama ang Department of Trade and Industry (DTI)!
Creativity at innovation ang tinutukan sa mentorship na ito kung saan malaking tulong para maging business model. Kaya naman dinaluhan ito ng iba’t ibang art industry kabilang ang performing arts, visual arts, fashion and lifestyle, events, crafts, culinary arts, digital arts at advertising and publishing.
Ilan sa mga naging mentor mula sa creative industry ay sina Bernie Liu, CEO & President of Golden ABC, Inc.; Rajo Laurel, Fashion Designer and Founder of House of Laurel; Jay Aldeguer, President of Island Souvenirs Group; Zarah Jaun, Founder of Zarah Juan at marami pang iba! Hindi lang ‘yan dahil ang mga Go Negosyo mentor ay nakisali rin para sa mga non-creative industry. Ito ay sina Rikki Dee, CEO Foodlink Group at Joel Santos, Managing Director and President THAMES International- Entrepreneurs School of Asia.
Bukod dito, binisita rin ni Presidential Adviser for Entrepreneurship Joey Concepcion kasama ang ilang business conglomerates si Pangulong Rodrigo Duterte sa Malacañang noong April 3, 2019. Tinalakay nila rito ang pagtaas ng turismo, agri-business at digitalization sa ating bansa.
Nandito rin sina DOT Secretary Bernadette Puyat, DTI Secretary Ramon Lopez, Presidential Spokesperson Salvador Panelo, Executive Secretary Salvador Medialdea at dating President and Speaker of the House Gloria Macapagal-Arroyo.
♥♥♥
For event invitations, please, email bulgarific@ gmail.com or PM us on our Facebook page.
Got to go! It’s so Bulgarific!
xoxo
Comments