SUNSET DIVE, PINASILIP SA PALAWAN CLIFF DIVING

Photo : primer.com.ph

MAKAPIGIL-HINI­NGANG aksiyon ng pag-dayb ang matutunghayan sa 2019 Red Bull Cliff Diving World Series na sisimulan bukas, Abril 13 sa Palawan.

Nangunguna sina Aus­tra­lia’s defending women’s champion Rhiannan Iffland, cliff diving legend Orlando Duque ng Colombia at Fili­pino-Australian wildcard Xantheia Pennisi sa isang ex­­hibition match na magi­ging highly competitive na sa pagsisimula ng bagong season sa gagawin nilang sunset dive sa phenomenal rock formation ng Tres Ma­rias Islands.

Kondisyon na ang kani­lang mga katawan at ang isi­pan ay tutok na sa pagbukas ng 11th World Series season para sa bagong lokasyon ka­hit na may sagabal na mga bato sa Small and Big Lago­on sa Miniloc Island, El Nido.

Tiyak na magiging ma­init at nagbabaga ang opener season dahil 24 na mga atleta ang magpapakitang-gilas sa pag-ikot ng katawan habang dumadayb sa bilis na 85km/hr paglagpak sa malinaw at malinis na dagat.

Ang dagdag na chal­lenge ng off-the-cliff compe­tition sa unang event ng 2019 season ay naghihintay sa 14 na kalalakihan at 10 ka­babaihan sa Red Bull Cliff Diving World Series.

Made­de­pensahan ka­yang muli ng reigning cham­pions na sina Iffland at Gary Hunt (GBR) ang kanilang korona noong 2018 at mayroon kaya silang ba­gong porma na ipakikita para maipag­tanggol ang King Kahekili Trophy na lulundag sa taas na 27-metro laban sa nada­rag­dagang competitors na sasaksihan ng mga pawikan at kayakers sa kauna-una­hang lokasyon sa bahaging ito ng Pacific Ocean. (MC)