TOPS: WOMEN IN BILLIARDS AT WHEELCHAIR BASKETBALL

WELCOME ang mga kababaihan sa Tabloids Organization in Philippine Sports (TOPS) sa itatam­pok na 18th “Usapang Sports” ngayong araw sa Na­tional Press Club sa Intramuros, Manila.

Ang Philippine wo­men’s billiards team na binubuo nina Rubilen Amit, Chezka Centeno, Iris Ranola at Floriza Andal at women’s wheelchair bas­ketball team members na sina Patricia Camille Cas­tro, Cecille Naceno, Jean Delos Reyes at Kymberlee Dangayo ay makikipagta­lakayan sa two-part public service program na supor­tado ng Philippine Sports Commission at National Press Club na ipalalabas din sa Facebook ng live via Glitter Live­stream tuwing Huwebes.

Kasama ng apat na female billiards players para sa pagsabak sa 30th Southeast Asian Games ay si national team coach Rodolfo “Boy Samson” Luat.

Tatalakayin ni Amit at teammates sa sesyon na itinaguyod ng PAGCOR at HG Guyabano Tea Leaf ang tsansa ng bansa sa SEA Games, kung saan host ang bansa sa ikaapat na pagkakataon sa Nob. 30-Dis. 11

Bahagi rin sa talakayan sina coach Vernon Perea, assistant coach Harry Solanoy at manager Nina Castro ng Pilipinas Lady Warriors na lumahok sa International Wheelchair Basketball Federation (IWBF) Women’s Camp sa Suphan Buri, Thailand.

Ikukuwento rin nina Perea at Castro ang kara­nasan ng team sa IWBF event sa Thailand, maging ang kanilang plano para sa women’s wheelchair basketball sa bansa. Imbi­tado ng TOPS officers at members ang mga kaibi­gan sa sports com­munity na dumalo sa forum.

Binubuo ang TOPS ng sports editors, reporters at photographers mula sa mga nangungunang tab­loids sa bansa.