Padir ng anak, sopla na naman... HIRIT NI SHARON: KC, MUKHA LANG ANG MINANA KAY GABBY

Ador Saluta / ADORE ME!

PINAGPISTAHAN naman ng mga Sharon Cuneta-Gabby Concepcion fans ang recent Instagram post ni Megastar ilang araw na ang nakararaan ng picture nila ng anak na si KC Concepcion.

Mababasa kasi sa caption ni Mega sa naturang post: “The VERY BEST PROJECT/PRODUCTION of Sharon & Gabby. She got her Pa’s perfectly handsome face, and most everything else from Ma. @itskcconcepcion”

Umapela ang ilang solid fans ni Gab­o sa sinabi ni Sharon na ‘ganda lang ng mukha’ ang minana ni KC sa kanyang papa at the rest ay kay Sha­wie na.

Hindi man daw nakasama nang matagal ni Gabby si KC, masasabing ang talent sa pag-arte ng panganay ni Sharon ay nakuha rin niya sa kanyang biological dad na magaling umarte.

Samantala, may nagtanong kay Sharon kung bati na ba sila ngayon ng kanyang ex-husband.

Kung matatandaan, nagkatampu­han na naman ang dating mag-asawa matapos magsama sa isang fastfood chain commercial.

Ang tanging naisagot lang ng singer-actress, “No pa nga, eh. Ha­ya­an na natin. Buti na ganito.”

Ano kaya’ng masasabi ni Gabo rito?