Mga taga-showbiz, iba-iba ang trip… JULIA, TODO-TAGO SA PAGBUBUNTIS, ANGELICA PROUD NA PROUD NAMAN

Len Ramos Llanes / ISKUP

‘KALOKAH talaga ang showbiz!

Heto si Julia Montes na diuma­no’y buntis, pero pinakatatagu-tago naman. ‘Yung iba naman, hindi mabuntis-buntis pero proud sa mga anak nilang produkto ng siyensiya.

Si Angelica Panganiban however, hindi buntis pero ipinangangalan­dakang buntis siya dahil sa laki ng tiyan niya sa isang picture niya ha­bang naka-two-piece at nakaupo sa surfing board while she’s in Boracay.

Sinakyan lang naman ni Angge ‘yung isang nang-bash sa kanya sa social media at nagsabing malaki ang tiyan niya. Kesa nga naman patulan pa niya ito at magpaka-nega, ‘di ba?