PACMAN, TULAD NI FLOYD, LUMAGDA RIN SA RIZIN JAPAN

Photo: @nobu_sakakibara

PUMIRMA rin si Fi­lipino multiple world boxing champion Manny Pacquiao ng isang kontrata sa Rizin, ang Japanese mixed martial arts organisation na siyang nagdala sa exhibition fight ni Floyd Mayweather sa Tokyo noong Bisperas ng Ba­gong Taon, ayon kay CEO Nobuyuki Sakakibara sa ulat ni Jack Tarrant na lumabas sa ABS-CBN sports.

Nagpaskil si Sakakibara ng mga larawan sa Twitter ng 40-anyos na si Pacman na lumalagda ng kontrata.

“I’m here in the Philip­pines,” ani Sakakibara. “RI­ZIN. 15 will have this man involved in a way. We will be ready to announce as I get back to Japan!”

Hindi na niya niliwanag kung ano ang kapasidad ni Pacman sa involvement nito sa event na nakaiskedyul sa Abril 21.

Ang huling laban ni Pac­man ay isang unanimous de­cision victory kontra Ame­rican Adrien Broner noong Enero.

Si Mayweather, na ti­nalo si Pacman noong 2015 bout, ay muling nagbalik boksing kahit ilang beses nang sinabi na retirado na siya at talunin ang kick­boxer na si Tenshin Nasu­kawa sa isang ex­hibition match sa main event ng Rizin na isang presti­hiyosong New year’s eve show.