NAYRE, MISAL, GONZALES, QUALIFIED SASABAK SA 30TH SEAG TABLE TENNIS

GINAWANG puhunan ng mga national players ang mahabang exposures at malawak na karanasan sa pakikipaglaban sa mga banyagang kalaban at tulad ng inaasahan ay namayani sa kanilang events sa 14 regions best-of-the-best Super League Table Tennis Championship na ginawa sa Lyceum of the Philippine University sa Lipa City, Batangas.

Nanalo sina John Mari Nayre, John Russel Misal, Japet Adasa, Ryan Jacolo sa men’s at wagi sina Jannah Romero, Emy Rose Dael, RJ Fadol, Kheith Rhynne Cruz at Angel Joyce Laude sa women’s side.

Si Richard Gonzales, bronze medallist sa nakaraang SEA Games sa Malaysia, ay seeded at qualified na sa Southeast Asian Games. Sa panalo, kakatawanin nila ang ‘Pinas sa 2019 Southeast Asian Games na gagawin sa Nobyembre sa bagong state-of-the-art New Clark City Sports Complex.

Sinabi ni Table Tennis Federation of the Philippines Incorporated president Ting Le­desma na maraming lumitaw na mga batang magagaling sa tatlong araw na torneo na unang ginawa sa Lipa na nilahukan ng mga man­lalaro galing sa iba’t-ibang rehiyon maliban sa ARMM, CAR at Central Visayas na hindi nagpadala ng kanilang mga players. “I saw the emergence of many young promising talents. They gave the veterans a run for their money. They proved their worth as worthy players. Natalo sila dahil kulang sa karanasan ‘di tulad sa mga national players,” sabi ni Ledesma.

Ayon kay Ledesma, dati ring manlalaro noong kabataan niya, ginawa niya ang na­sabing torneo para makatuklas na mga batang may potentials, may kakayanan manalo at magbigay karangalan sa bansa.