Bebot na dehins kayang makipagsabayan sa mga mayayaman

Dear Roma,

Itago na lang ninyo ako sa pangalang Ale­gria, 18 years old at malapit nang tumun­tong sa kolehiyo. Ma­baba lamang ang ki­nikita ng aking mga magu­lang, pero gusto nilang mag-aral ako sa sikat na unibersi­dad. Alam kong hindi namin ka­kayanin ang tuition fee at iba pang gastu­sin. Bukod pa ru’n, nagdadalawang-isip din akong mag-aral sa sikat na uni­ber­sidad dahil alam kong hindi ko ka­kayaning makipag­sabayan sa mayaya­man o mga angat sa buhay. Ilang ulit ko nang ipinali­wanag ito sa mga ma­gulang ko, pero hindi sila naki­kinig. Sinasabi pa ni­lang alam naman daw nilang kaya ko, pero paano kung hindi ko makayanan? Ano ang dapat kong gawin? — Alegria

Alegria,

Hindi mo maiaalis sa mga magulang mong ma­ngarap na pag-aralin ka sa sikat na uni­ber­sidad, kung nakikita mo ang sitwasyon na nahi­hirapan ang mga ma­gulang mo, maaari ka rin namang pumasok sa mga scholarship pro­gram o kung kaya mo naman, uso na rin ang tinatawag na “working students” basta huwag mong pababayaan ang pag-aaral mo. Hindi ka naman nagpunta sa unibersidad na ‘yun para makipagsabayan sa mayayaman. Isa pa, makahahanap ka rin du’n ng makakasundo at magiging kaibigan mo kung ano ang tunay na estado mo sa buhay. Maraming nanganga­rap mag-aral sa mga si­kat na unibersidad, ngu­nit, hindi nakata­tang­gap ng anumang opor­tunidad. Isipin mong napakapalad mo na handa kang suporta­han ng mga magulang mo kaya hanggang may­roon kang pagkaka­taon, i-grab mo na! Hu­wag mong isiping hin­di mo kaya dahil kaya mo ‘yan, girl! Push mo na ‘yan ‘teh!