PHL VOLCANOES, PASOK SA 8 BANSA SA WORLD RUGBY 7’S

Photo: runrio

MATAGUMPAY na naramdaman ang puwersa ng Philippine Volcanoes sa world stage ng rugby ma­tapos itong mapabilang sa unang walong bansa sa unang pagkakataon ng prestihi­yosong HSBC World Rug­by Sevens Series Qualifiers 2019 sa National Stadium ng Hongkong.

Dinaig ng Volcanoes ang mas mataas na rated na Zimbabwe, 24 -12, sa isang gitgitang sagupaan na hindi mababanaag kung pagba­basehan ang final score sa huling laro ng mga kopo­nang kasama sa Pool E ng preliminaries upang maka­pasok ito sa quarterfinals. Mula sa 0-5 na pagkadeha­do, umatake sina Justin Vil­la­zor Coveney at Ryan Re­yes Howe para dalhin sa driver’s seat ang bansa, 10-5.

Hindi nagpabaya ang Sables ng Zimbabwe at mu­ling inagaw ang kalama­ngan nang magsimula ang 2nd half, 10-12, pero muling rumatsada ang mga Volca­noes sa pamamagitan nina Donald Canon Coleman at si Howe uli ang nagsemento sa tagumpay ng world no. 53 na Volcanoes kontra sa world no. 39 na Zimbabwe.

Nauna rito, tumiklop ang mga Volcanoes nang makaharap nila ang Hong Kong, may bansag na Dra­gons at no. 25 sa world ran­kings (17-33) at world no. 13 Tonga, Ikale Tahi (17-36) kaya nauwi sa do-or-die match ang duwelo ng Pilipi­nas at Zimbabwe.

Pagdating ng bakbakan sa quarterfinals, hindi basta nawala sa eksena ang Pilipi­nas at nakasabay sa Hong Kong pagkatapos ng half­time sa iskor na 7-7. Pero, kalaunan, nangibabaw pa rin ang Dragons laban sa Volca­noes, 7-1, kaya umusad na sa final four ang una.

Noon pang 2013 huling nag-qualify ang mga Volca­noes sa prestihiyosong pa­ligsahan. Hindi ito nakalag­pas sa preliminary stage. At noong 2018 nga, nakakuha ang Pilipinas ng upuan sa torneo matapos na magta­gum­pay itong pumangatlo sa kauna-unahang pagka­kataon pagkatapos ng ma­tagal na panahon sa tulong ng pagpapadapa sa Tuskers Sri Lanka, 19 - 7, sa huling laro ng Volcanoes sa huling yugto ng Asian Sevens Rug­by Series sa Racecourse Sta­dium ng Colombo, Sri Lanka.

Ang torneo ay isa sa mga pangunahing aktibidades ng Volcanoes ngayong taong ito. Siyempre pa, nariyan din ang Southeast Asian Games na gaganapin dito sa Pilipi­nas ngayong 2019 at kung saan pinupuntirya ng mga Volcanoes ang gintong me­dalya. Bago matapos ang taon ay mayroon ding Olym­pic qualifiers.