Bebot na sinuway ang mga magulang para sa lalaking manloloko din naman

Dear Roma,

Ako si Norie, 19 years old. Nag-aaral ako sa isang unibersidad dito sa Maynila. Dahil sa pro­binsiya kami nakatira, minabuti ng mga ma­gulang ko na mag-dorm na lang ako. Sila ang nag­bibigay sa akin ng pam­bayad sa dorm, tuition fee at iba pang pangangaila­ngan ko. Isa lang ang hiling nila na huwag akong mag-boyfriend dahil sabi nila, abala lang daw ito sa aking pag-a­aral. Hanggang sa na­kilala ko si Alvin, naging masaya ang relasyon na­ming dalawa at lalo pa akong ginanahang mag-aral dahil sa kanya. Ina­lis ko na sa isip ko ang madalas na bilin sa akin nina mama at papa dahil paki­ramdam ko ay ser­yoso ang relasyon namin ni Alvin. Pero isang araw, nang sinubukan ko si­yang i-surprise sa birth­day niya, nahuli ko si­yang may kahalikang ibang babae. Nu’ng araw ding ‘yun, nalaman kong buntis na pala ako. Ano ang dapat kong ga­win? — Norie

Norie,

Hindi madaling ami­nin sa magulang ang katotohanan tungkol sa pagda­dalantao mo, pero hindi rin naman nila ma­gu­gustuhan kung itata­go mo ito sa kanila. Ma­la­la­man at malalaman din nila ito, kaya sa­bihin mo na hanggang maaga pa. Asahan mo na ang masasakit na salitang maririnig mo sa kanila, ngunit, unawain mo sila. May karapatan silang magalit o mainis sa ba­gay na ginawa mo. nandiyan na ‘yan, kaya ano pa ba ang maga­gawa nila, ‘di ba? Hindi ka­yang tiisin ng magu­lang ang anak, kaya naman ipakita mo sa kanila na buong puso mong pinag­sisisihan ang pagsuway mo sa kanila at huwag ka nang uulit pa. Kaya mo ‘yan at dapat mong kayanin para sa anak mo.