Buntis at nanganganak

Socrates Magnus

Salaminin natin ang panaginip ni Don­na ng Donna_ Casiano@facebook.com

Dear Professor,

Ano ang ibig sabi­hin nang nanaginip ako na buntis daw ako, minsan, sa pana­ginip ko ay nanga­nga­nak daw ako, pero ayaw lumabas ng bata sa sinapupunan ko?

Sana, masagot ninyo ito.

Salamat!

Naghihintay,

Donna

Sa iyo Donna,

Kapag napanagini­pan ng babae na buntis siya, ang nanaginip ay naghahangad na siya ay mabuntis, ito ay kung may posibilidad pa na siya ay mabuntis.

Ang ganitong pana­gi­nip sa ganu’ng kon­disyon ay magkakato­too sa hindi kalayuang panahon.

Kapag naman wala ng tsansa na mabuntis ang nanaginip ay ma­kararanas siya ng hindi ga­anong kagandahang love life kung saan pu­wedeng ang asawa niya ay nagkukulang na sa paglalambing o nawala na ang sweet­ness.

Ito rin ay palatan­daan na ang asawa ay nakalilimot sa kan­yang obligasyon para sa pamilya.

Nagbababala ang ganitong panaginip na ang nanaginip ay ma­kararanas ng tinatawag na “tamang hinala.”

Sa iba, ang tamang hinala ay “tama”, kum­baga, ayon sa kanila ang kanilang kutob ay tama.

Pero, siyempre, ang tunay na kahulu­gan ng “tamang hinala” ay wa­lang kasiguraduhan ang kanyang iniisip.

Kaya kapag napan­sin mong inaatake ka na ng “tamang hinala”, mas magandang bago ka maniwala sa kutob ay maghanap ka muna ng kongkretong ebi­den­siya.

Hindi maganda sa buhay ng mag-asawa na ang isa ay mapaghi­nala dahil ang paghi­hinala ay nakasisira ng samahan.

Kaya nga ang sabi, ‘di ba, nakamamatay ang akala? Ang hinala naman ay nakama­ma­tay din at ito ang hindi puwe­deng mangyari sa iyo.

Hanggang sa muli, Professor Seigusmundo del Mundo