Bukod daw sa pera, mga besh! IBA’T IBANG BAGAY NA NAKAPAGDUDULOT NG STRESS

No Problem

SA araw-araw na pagtahak natin sa buhay, madalas na­sasabi nating “na­kaka-stress!” Anu-ano nga ba ang na­ka­pagdudulot sa atin ng stress bukod sa kakulangan ng pi­nansiyal o prob­lema sa pera?

1. WORK. Ayon sa mga eksperto, ang trabaho ay isa sa pinakapangu­nahing dahilan ng stress dahil dito natin binubuno ang malaking porsiyento ng ating oras at panahon sa araw-araw. Dito nakasa­lalay ang ating kabuhayan, kaya mas stressful ang mga walang trabaho. Ma­laki rin ang epekto nito sa ating lifestyle. Sabi nga ni Susan L. Taylor, “stress and worry, they solve no­thing. What they do is block creativity. You are not even able to think about the so­lutions. Every problem has a solution.”

Kaya sa mga boss diyan, alam n’yo bang stress din ang rason ng ka­tamaran ng mga trabaha­dor? Kaya huwag ninyo masyadong bigyan ng stress ang mga empleyado ninyo, sige, kayo rin! He-he-he!

2. RELATION­SHIPS. Sabi ng petmalung author na si Elizabeth Scott, “re­lationships can bring us the best of times and the worst of times.” Kapag pumasok ang topic na re­lationship, puwedeng re­lasyon sa dyowa, pa­milya, kaibigan, kakilala, katra­baho o relasyon mo sa iyong sarili.

Ang pagka­karoon ng conflicts at dis­agreements sa trabaho man o sa taha­nan ay isa rin sa mga ba­gay na maaaring magdulot ng stress.

3. NOT HAVING ENOUGH TIME. Ang kakulangan sa oras ang isa sa mga pangunahing ba­gay na nakapagdudulot sa atin ng stress. Madalas, pa­kiramdam natin ay kulang ang 24 hours para sa mga bagay na dapat nating ga­win, lalo na kung sobrang loaded na tayo sa gawain at dahil dito, nai-stress tayo.

Pero mga ‘tol, kung ma­tututo lang tayo ng was­tong time management, malamang, magkakaroon ka pa ng oras para mag-enjoy.

4. FAILURE TO TAKE TIME OUT AND RELAX. Kung araw-araw ka na lang full time na nagtatrabaho, darating at darating ang panahong makararamdam ka rin ng pagod at hindi ito maganda dahil magbubunga ito ng kawalang-gana sa trabaho.

Kaya naman sey ng experts, recharge-recharge rin ‘pag may time! Kung iniisip mong pagsasayang lang ng oras ang pag-e-en­joy, nagkakamali ka, ‘tol!

‘Ika nga ni Ralph Mar­ston, “rest when you’re weary. Refresh and renew yourself, your body, your mind, your spirit. Then get back to work.” Kaya mga bro, bakasyun-bakasyon din! Okie?

5. HEALTH. Madalas kapag nagkakasakit ang mga “tumatanda” na, si­nasabi ng mga doktor na iwasang ma-stress dahil ang stress ay nakapagdu­dulot ng iba’t ibang sakit.

Ngunit, knows ba ninyo na ang health issues din natin ay nakapagdudulot ng stress? Simpleng pim­ples nga lang, kinai-stress-an na ng iba, ano pa ‘yung mga taong may malalang sakit at karamdaman? Hmmm…

Pero mga ‘tol, tandaan natin na ang pagiging po­sitive thinker ang pinaka­solusyon sa lahat ng stress issues natin sa buhay. Sabi nga ng petmalung lodi ko na si Hans Selye, scientist, father of stress research, “adopting the right atti­tude can convert a nega­tive stress into a positive one.”

Gets mo?