Malinaw ayon sa birthday... BABAENG NAKATAKDANG MAHALIN NG MISTER, HABAMBUHAY

Maestro Honorio Ong

Dear Maestro,

Nasa abroad ang mis­ter ko ngayon at halos apat na taon na siyang nagpapabalik-balik du’n. May ibang babae kaya siya ru’n?

Kasi ngayon ay bihira ng tumawag at mag-text sa akin ang mis­ter ko.

Gusto ko sanang ma­katiyak kung may babae o wala ang mister ko sa abroad?

January 16, 1978 ang birthday ng mister ko ha­bang July 2, 1980 naman ako.

Umaasa,

Danah ng Sto. Cristo,

Pulilan, Bulacan

Dear Danah,

Ayon sa birthday ng mister mo na January 16, 1978, sinasabing hindi ma­gagawang mambabae ng mister mo na kasalu­ku­yang nasa ibang bansa da­hil bihira lang naman sa mga may birth date ng 16 ang nambababae.

Dagdag pa rito, ang zo­diac sign niyang Capricorn ay sadyang tugma sa zo­diac sign mong Cancer, gayundin ang birth date niyang 16 o 7 (ang 16 ay 1+6=7) ay suwetung-su­weto sa birth date mong 2 kung saan tulad ng na­sabi na, ang numerong 16 o 7 (1+6=7) ay sadyang tug­ma sa birth date mong 2.

Ibig sabihin, kahit na bihira o madalang mag-text at tumawag ngayon ang mister mo na nasa abroad, wala kang dapat alalahanin, baka busy lang siya sa trabaho, sa halip, tiyak at nakatakda naman talaga ang magaganap, anuman ang mangyari sa kanya sa ibayong-dagat, hindi masisira ang inyong maligayang samahan at umasa kang mananatiling buo at maligaya ang in­yong pamilya, habam­buhay.