CLARKSON, DI PAPAYAGAN NG NBA SA GILAS? BEERMEN TAMPOK SA NBS CAMP & PLAY

MATAPOS na magwa­gi ang pa-playoff ng team na Los Angeles Clippers laban sa Cleveland Cavaliers, 132-108 sa Staples Center, naka­usap ng media si Fil-Am Jordan Clarkson sa locker room.

Isa sa naging tanong ng reporters na mula sa iba’t ibang media ng Pilipinas ay ang pagdududa kung lalaro pa ba siya sa Gilas Pilipinas sa nalalapit na FIBA World Cup sa summer season sa China. “I’m not sure yet. Stay tuned,” sagot ni Clarkson.

Sa ngayon, pokus muna ang Fil-Am cager sa training bilang bagong miyembro ng Cleveland Cavaliers, sa tra­baho na mas lalong pina­hu­husay niya ngayong sea­son.

Samantala, itinatag noong 1998 ni Dayong Men­doza ang Camp & Play na may dedi­kasyong turuan ang boys and girls ng es­pe­si­pikong trai­ning sa bas­ket­ball. Ang 2019 season ay si­simulan sa Abril 8 sa ba­gong bukas na Crim­son Hawks Gym sa NBS Col­lege.

Ang Camp & Play acti­vities ay kinapa­pa­looban ng instruction sa point guard skills, shooting forward drills at post moves. Higit sa lahat ang campers ay tutu­ruan ng agility, speed at jump mechanics upang mas maging mahusay na pla­yer.

Ang team concepts at team competition ay ka­sama sa 8-day session pro­gram.

Sinabi ni 19-year Profes­sional Coach Mendoza ng PBA Champions San Mi­guel Beermen coaching staff na ang bagong tahanan ng Camp & Play ay sa National Bookstore sa Quezon Ave­nue, Quezon City na magsi­si­mula ng 2 p.m. - 5 p.m. May tsansa rin ang campers na makasalamuha ang San Miguel team. Ang training days ay sa Abril 8, 10, 12, 15, 16, 17, 22 at 24. (MC / ATD)