NPA dedbol sa engkuwentro

SORSOGON—Isang miyembro ng New People’s Army (NPA) ang napatay sa naganap na engkuwentro sa pagitan ng mga rebelde at tropa ng pamahalaan, kama­kalawa sa Bgy. Lajong, Juban sa lalawigang ito.

Ang napatay ay kinilalang si Michael Esmer, miyembro ng NPA na nakabase sa naturang lalawigan.

Ayon sa ulat, nagpapatrulya ang mga awtoridad nang makasalubong ang mga rebelde at dito naganap ang engkuwentro na nagresulta para mapatay si Esmer

Tinutugis na ngayon ng tropa ng pamahalaan ang iba pang rebelde na tumakas matapos mapatay ng mga awtoridad si Esmer.