Paalala na mabuhay sa pakikipagsapalaran

Socrates Magnus

Salaminin natin ang panaginip ni Kaze ng Kaze_No_Ishi@ facebook.com

Dear Professor,

Umaakyat ako ng hagdan at pagdating ko sa dulo ay may ma­laking hahakba­ngan na kapag nagkamali, pakiramdam ko ay ma­huhulog ako sa pi­na­ka­­ibaba kung saan ako nag-umpisang umak­­yat.

Kasunod nito ay dumaan ako sa ma­sikip, pero nalaman ko na mayroon palang hagdan patungo sa lugar na aking kinata­tayuan na mas maha­ba, pero madaling da­anan kumpara sa gi­nawa ko na maigsi, ngunit, mas mahirap akyatin.

Ano ang masasabi ninyo tungkol sa aking panaginip?

Naghihintay,

Kaze

Sa iyo Kaze,

Kumuha ka ng ideya sa mga salitang “happi­ness comes from living at the edge” na nagsa­sabing ang kaligayahan ay makukuha sa maka­pigil-hiningang karana­san.

Ang isa sa halim­bawa nito ay ang iyong panaginip na sa paki­ramdam mo ay mahu­hulog ka sa pinakaibaba.

Ito rin ay nagsasa­bing, pagkatapos mong malagpasan ang akala mong hindi mo kaya, ka­­ligayahan ang iyong madarama.

Ang isa sa mga ha­limbawa ay ang panagi­nip mo na masikip na daan para makarating ka sa iyong paroroonan.

Kapag nagtagumpay ang tao, ang mahirap na karanasan ay masasa­bing walang pagsidlan. Ito mismo ay para sa si­nabi mo na mahirap na pag-akyat.

Piliin mo ang mabu­hay sa pakikipagsapala­ran, kumbaga, huwag kang tumulad sa mara­mi na ang gusto ay ang ma­bilisang tagumpay kung saan wala silang ma­papala kundi ang ma­tuwa lang naman at pag­katapos ay wala na da­hil ang nakukuha sa mabilis at madaling pa­raan ay ang mga alaala na ma­itatala sa aklat ng kani­lang buhay na wa­lang anumang nakuhang mga gintong karanasan.

Muli, makipagsapa­laran ka!

Hanggang sa muli,

Professor Seigusmundo del Mundo