Dalagita nalunod sa ilog

DAVAO DEL SUR—Isang 13-anyos na dalagita ang namatay nang malunod habang naliligo, kamakalawa sa ilog na sakop ng Bgy. Tres de Mayo, Digos City sa lalawigang ito.

Kinilala ang biktima na si Sofia Villaber, nakatira sa nasabing barangay.

Ayon sa ulat, habang naliligo si Villaber, kasama ang isa nitong kaibigan ay napagawi ito sa malalim na bahagi ng ilog kaya nalunod ang biktima.

Sinikap ng mga residente na iligtas si Villaber, pero bangkay na ito nang maiahon sa ilog.