Alamin mula kay Señor... KAALAMAN TUNGKOL SA PAGKAHILIG NG MGA PINOY SA ORASYON

Sr. Socrates Magnus II

Bigyang-daan natin ngayon ang pinasikat na tinatawag na “orasyon” na Sator Arepo Tenet Opera Rotas.

Halos lahat ng mga Pi­noy na mahilig sa orasyon ay bilib na bilib sa oras­yong “Sator Arepo Tenet Opera Rotas”.

Narito ngayon ang ka­saysayan ng “Sator Arepo Tenet Opera Rotas”:

Ito ay unang natagpuan na nakaukit sa parisukat o square na bato, pero nasa krus sa maraming bayan sa Europa na pinaniniwalaang pamayanan ng mga mana­nam­palataya at naniniwala kay Kristo.

Walang tunay na nakaa­alam ng kahulugan ng “Sa­tor Arepo Tenet Opera Ro­tas” dahil kahit ito ay sina­sabing Latin, wala itong opisyal na pagkilala mula sa Sim­bahan.

Ang Sator ay “planter” sa wikang English. Sa Taga­log ito ay ang “nagtanim” ha­bang sa malalim na kahulu­gan, ito ang “creator” o manli­likha.

Ang salitang Arepo ay hindi salitang Latin kundi Celtic word na ang kahulugan sa ating wika ay “araro”.

Sa mga millenial, hindi na nila alam kung ano ang araro dahil wala ng gumagamit nito sa pagsasaka, may ilan-ilan pa rin na nag-aararo ng mga bukirin, pero ang mga ito ay sobrang malalayong lugar na masasabing mga bayang makaluma at naiwan na ng panahon dahil ngayon ang gamit sa bukirin ay mga mo­dernong makina.

Ang Tenet sa wikang English ay “who holds, keeps or preserve.” Sa Taga­log siya ang nagpapanatili, may ha­wak at tagapag-ingat.

Ang Opera sa wikang- English ay “he who works”, sa Tagalog siya ang nagta­trabaho .

Ang Rotas sa wikang English ay “wheels”, sa Ta­ga­log ito ay gulong. Sa mala­lim na kahulugan, ito ay para sa “gulong ng kapalaran”.

Gayunman, lantad na ka­totohanan dito sa atin na ang mga tao ay mahihilig sa mga orasyon at ang medal­yon na sinasabing anting-anting o agimat ay makiki­tang may mga salitang “Sator Arepo Tenet Opera Rotas”.

Ano kaya ang lihim na dahilan kung bakit ang “Sator Arepo Tenet Opera Rotas”ay sikat na sikat sa mga Pinoy na sobrang ma­hilig sa mga orasyon?

(Itutuloy)