MARK, NAGSALITA NA SA PAGLI-LIVE-IN NILA NI WINWYN BAGO NAGHIWALAY

Erlinda Rapadas / TEKA NGA

HINDI naman masasabing brokenhearted si Mark Herras kahit na hiwalay na sila ni Winwyn Marquez. Nagawa pa rin niyang humarap sa entertainment press at sinagot ang mga isyu tungkol sa kanya sa ginanap na mediacon ng bagong serye niya sa GMA-7, ang Bihag.

Maayos naman niyang naipaliwa­nag ang mga dahilan ng breakup nila ni Winwyn. Mutual decision na raw nila ang maghiwalay muna dahil madalas na silang nag-aa­way at hindi nagkakasundo.

Malinaw din na walang third party involved sa kani­lang hiwalayan. Pareho lang nilang na-realize na hindi pa sila handang mag­pakasal at marami pa silang mga pangarap sa buhay.

Aminado si Mark na sa kanilang relasyon ay si Win­wyn ang nagdadala at ito ang katangiang hindi ma­lilimutan ng aktor sa nobya niyang beauty queen. Pero, napagod raw silang pareho kaya nagdesisyon silang maghiwalay. Sa ngayon, ang career ang priority ni Mark.

Idinenay din niya ang tsismis na nagli-live-in na sila ni Winwyn noong sila ay BF-GF pa. Nakatira si Win­­wyn sa bahay ng kan­yang amang si Joey Mar­quez sa Parañaque.