Rider nilikida ng gunman

MASBATE—Isang rider ang napatay nang barilin ng hindi kilalang armadong salarin, kamakalawa sa Bgy. Nailaban, Mandaon sa lalawigang ito.

Ang biktima ay kinilalang si Junrey Marin, nakatira sa Bgy. Maolingon sa nasabing bayan.

Ayon sa ulat, sakay ng kanyang motorsiklo si Marin nang sumulpot ang suspek kaya agad itong binaril hanggang sa mapatay ang biktima.

Iniimbestigahan na ng pulisya ang motibo ng suspek sa pamamaslang sa biktima.