Miyembro ng NPA dedo sa engkuwentro

SORSOGON—Isang miyembro ng New People’s Army (NPA) ang napatay sa naganap na engkuwentro sa pagitan ng tropa ng pamahalaan at mga rebelde, kamakalawa sa bulubunduking lugar sa bayan ng Bulusan sa lalawigang ito.

Ang napatay ay nakilala sa alyas Ka Pillar miyembro ng NPA na nakabase sa nasabing lalawigan.

Ayon sa ulat, nagsasagawa ng pagpapatrulya ang mga sundalo ng Philippine Army (PA) nang makasalubong nila ang mga rebelde at dito naganap ang engkuwentro.

Nang mapatay si Ka Pillar, mabilis na tumakas ang mga kasamahan nitong NPA na sa ngayon ay tinutugis na ng puwersa ng pamahalaan.