CRITERIUM RACE, GRAN FONDO, ABANGAN SA ALABANG AT SUBIC

DALAWANG karera ang gaganapin sa PRURide PH 2019, ang pinakamala­king karera ng bisikleta sa bansa ngayong Abril 7 sa Filinvest, Alabang sa Mayo 23 hanggang 26 sa Subic Bay Freeport. Mauuna ang Criterium Race sa Alabang at susundan ito ng Gran Fon­do, Masters Race at UCI 2.2 Stage Race sa Subic na tam­pok ang mga matitinik na Pinoy riders laban sa mga banyagang koponan.

Ang Criterium Race ay tiyak na magiging mabilis at puno ng aksyon. Tatahakin ng mga siklista ang ilang pa­ulit-ulit na ikot sa loob ng Filinvest. Puwedeng guma­mit ng lahat ng klase ng bi­sikleta dahil may hiwalay na kategorya ang mga ito – road, mountain, folding at fixed gear.

“Nagagalak kami para sa PRURide PH 2019 dahil nais namin na palawi­gin ang pag-bisikleta para sa kalusugan ng lahat at pati na rin para sa kali­kasan,” wika ni Allan Tum­baga, ang Senior Vice Pre­sident ng Pru Life UK sa PSA Forum.

Aabangan ang matin­ding bakbakan ng mga Fili­pi­no at mga bisita kung saan makakakuha ng mahala­gang puntos upang makasali sa 2020 Tokyo Olympics. Ngayon pa lang, may mga koponan na buhat sa Uzbe­kistan, Brunei at Vietnam ang nagpahiwatig ng kani­lang partisipasyon. Ang mga celebrity bikers na sina Gret­chen Ho, Zoren Legaspi at Kuya Kim Atienza ay pa­ngu­ngunahan ang Gran Fondo sa Subic kung saan puwe­deng pumili ang mga sasali sa 30, 60 o 100 kilo­metro.

Lahat ng rider ay tatang­gap ng bike, jersey at me­dalya pagkatapos ng karera at may naghihintay na gan­tim­palang salapi para sa mga magwawagi. Maliban sa mis­mong karera, maraming mga aktibidad ang naghihin­tay para sa buong pamilya tulad ng mga palaro para sa mga bata at concert tampok ang mga sikat na banda.